"Turan Tovuz" Türkiyədə baş verən zəlzələylə bağlı kampaniya elan etdi. "Boz qurd" "Kəpəz"lə oyun üçün satılan biletlərin pulunu qonşu ölkədə təbii fəlakətdən əziyyət çəkənlərə göndərəcək.

Görəsən, nə qədər bilet satılıb?

"Football-plus.az" olaraq bu suala cavab tapmaq üçün klubun mətbuat katibi Süleyman Tağıyevlə əlaqə saxladıq:

"Bu vaxta kimi xeyli bilet satılıb. Müəyyən məbləğdə vəsait də toplanıb. Amma dəqiq say deyə bilməyəcəm. Biletlərimizin standart qiyməti 2 manatdı. Amma bilet alarkən 3, 4, 5, 7 manat və daha çox pul verənlər, həmçinin ödəniş edib bileti götürməyənlər də var Biletlərin nə qədər satılmasıyla bağlı daha detallı məlumatı 1-ci gün verə bilərik".

ABDULLA İSMAYILOĞLU