"Kəpəz" - "Qarabağ" oyununun protokolunda tribunalarda 2500 azarkeşin yer aldığı qeyd olunsa sa, stadionda 3500-dən çox tamaşaçı var idi.

Football-plus.az xəbər verir ki, halbuki PFL-in qərarına əsasən bu say 3000-dən yuxarı olmamalıdı. Görəsən, bu həddin aşılmasının səbəbi nədi?

Suala "sarı-göylər”in mətbuat katibi Azad Mustafayevlə söhbətdə cavab tapmağa çalışdıq:

"Gəncə sakinlərinin "Qarabağ"la matça böyük diqqət və marağı vardı. Buna rəğmən, stadiona 3500-dən çox azarkeşin gəlməsi yalandı. Çünki PFL-in xüsusi göstərişiylə 2500-ə (əslində 3000) qədər azarkeşin stadiona gəlməsinə icazə var. İstər klub rəsmiləri, istərsə də mühafizə xidmətimiz göstərilən saydan artıq fanatın stadiona buraxılmasına imkan verməyib. Bilet satışının statistikası da əlimizdədi.

Odu ki, nə 3500 azarkeş gəlib, nə də biz qanunu pozmuşuq”.