"Nyu-Cersi”nin baş məşqçisinin köməkçisi Endryu Bryunett Cənubi Floridada sərxoş vəziyyətdə maşın sürdüyünə görə həbs olunub.

Football-plus.az xəbər verir ki, İnsident fevralın ilk günündə baş verib.

Bryunett yol hərəkəti qaydalarından bir neçəsini pozduğuna görə polis onu saxlayıb. Test zamanı isə məşqçinin alkoqol sərxoşluğu halında olduğu müəyyənləşib. Bryunett “Nyu-Cersi”də baş məşqçinin yardımçısı kimi ötən ilin yayından bəri çalışır. Ötən mövsümün gedişində Coel Kennevill “Florida”dan gedəndə hətta bu komandanın baş məşqçisi də olub.