Qaret Beyl çoxdankı arzusuna çatıb. Ötən ay 33 yaşında futbolla vidalaşan Uels yığmasının sabiq oyunçusu qolf karyerasında ilk addımını atıb.

O, həvəskar qolfçular arasında keçirilən “AT-T Pebble Beach Pro-Am” turnirində iştirak edib. Bununla da qolfçu karyerasına start verib. Xatırladaq ki, Beyl futbolçu həyatı ərzində “Sauthempton”, “Tottenhem”, “Real” və “Los Anceles”də oynayıb. Uels millisində 111 oyuna 41 qol vuran hücumçu “Real”la üç dəfə Çempionlar Liqasının qalibi olub.