Təxminən iki həftə öncə, daha dəqiq desək yanvarın 9-da gözlənilmədən karyerasını bitirdiyini açıqlayan Qaret Beyllə məlumat var.

Football-plus.az xəbər verir ki, 33 yaşlı sabiq ulduz, nəhayət, çoxdankı arzusuna çatıb. Belə ki, Beyl ilk dəfə peşəkar qolf turnirində iştirak edəcəyini açıqlayıb! ''Tottenhem'', ''Real'' və Uels yığmasının sabiq üzvü şəxsi ''instaqram'' səhifəsindəki paylaşımında bunu yazıb: '

Çempionlar Liqasının 5 qat və La Liqanın 3 qat qalibi olan Beyl həmişə qolfa marağı ilə tanınıb. O, 2019-cu ildə hələ ''Real''da oynadığı dönəmdə verdiyi müsahibə zamanı həyatdakı prioritetlərini Uels, qolf və Madrid kimi açıqlamış, bu ifadəsinə görə uzun müddət tənqid atəşinə tutulmuşdu. Onun həm Madriddə, həm də Uelsdəki malikanəsinin həyətində hətta böyük qolf meydançası da var. Beylin qatılacağı turnirə gəlincə, ''AT&T Pebble Beach Pro-Am'' hər il Kaliforniyada ''PGA Tur'' çərçivəsində keçirilən peşəkar turnirdi. Bu il turnir fevralın 2-5-i aralığımda baş tutacaq.

İştirakçılar arasında tanınmış aktyorlar Ben Mürreylə Ceyson Beytman, eləcə də ötən ilin yayında qolf üzrə ABŞ açıq turnirinin qalibi olan Mett Fitspatrik və daha öncə dünya reytinqinə başçılıq edən Lük Donald ilə Cordan Spit kimi məşhur simalar da var. Sonda onu da bildirək ki, turnirin mükafat fondu 9 milyon dollardı!