Antoni Kontenin səhhətində problem aşkarlanıb. “Tottenhem”in baş məşqçisinin əməliyyata ehtiyacı olduğu müəyyənləşib.

İngiltərə klubunun rəsmi saytının yaydığı xəbərə görə, qarın nahiyəsində kəskin ağrılar səbəbindən həkimə müraciət edən italiyalı mütəxəssisə xolesistit diaqnozu qoyulub. Onun öd kisəsinin çıxarılmalı olduğuna qərar verilib. Konte dünən əməliyyat olunub.

Baş məşqçi bu səbəbdən premyer-liqanın 22-ci turunun fevralın 5-də “Mançester Siti” ilə keçiriləcək ev oyununda texniki zonada olmaya bilər.