“Bura mənim evimdi və qayıtdığıma görə xoşbəxtəm. Keçmişdəki xoş günləri təkrarlamağa və komandaya fayda verməyə hazıram. Fikrimcə, 2020/21 mövsümündə zədəmlə bağlı yaşananlara aydınlıq gətirməyin tam zamanıdı. Həmin vaxt mövsümün sonuna yaxın yığmadan zədəli şəkildə qayıtdım. Bir müddət müalicə olundum. Amma fədakarlıq etməli oldum və tam sağalmadan “Sivasspor”la oyuna çıxdım. Çünki çempionluq yolunda önəmli bir qarşılaşma idi. Ağrılarla oynadım və 45-ci dəqiqədə əzələndim. Düzdü, bu mənim 29-cu rəsmi oyunum oldu və 30-cu rəsmi oyunumda müqaviləmin müddəti artacaqdı. Amma sonrakı matçlarda oynamamağım bununla bağlı deyil. Ağrılarım azalmadı. Problem yalnız bunda idi. Sonra da başqa klubla anlaşdım. Sərgən Yalçınla aramızda heç bir problem yoxdu. Ona böyük hörmətim var. Sadəcə, ona dedim ki, yaxşı şərtləri olan başqa bir təklif almışam. Fiziki cəhətdən yaxşı durumdayam. Amma kimin oynayacağına məşqçimiz qərar verir. Burda yaşadığım ilk çempionluğu, eləcə də avrokuboklardakı uğurlu performansımızı gözəl xatırlayıram. Burda hər kəs mənə böyük sevgi və hörmət ilə yanaşır. Oyunumla buna qarşılıq vermək istəyirəm. Həm fanatlar, həm də əvvəldən burda tanıdığım oyunçular üçün darıxmışdım. Onlardan biri də Nəcip Uysaldı. N”Kudu və Rozye ilə də çox yaxınam. Onlara ailəmin bir üzvü kimi baxıram. Futbol dəyişkən bir oyundu. Hər şey çox tez dəyişir. Əvvəlki iki dönəmimdə olduğu kimi, bu dəfə də bura çempionluq yaşamaq üçün gəlmişəm. “Əl-Nəssr”də komanda yoldaşım olan Talişka ilə bura gəlməsi barədə danışmamışam. Təbii ki, gəlmək fikri olsa, mən də böyük məmnunluqla bura dəvət edəcəm. Premyer-liqadan da, başqa yerlərdən də təkliflər var idi. Amma buranı yaxşı tanıdığım üçün “Beşiktaş”a gəlməyə üstünlük verdim. Sonuncu dəfə vidalaşarkən də bunu elə etmişdim ki, bir gün yenidən qayıda bilərəm. “Fənərbaxça”nın da marağı var idi. Menecerimlə əlaqə qurmuşdular (hərçənd “Fənərbaxça” düşərgəsi Abubakarın menecerinin onlarla əlaqə saxladığını iddia edir – Ə.R.). Amma Türkiyədə yalnız “Beşiktaş”da oynaya bilərəm. Bu kluba qarşı tam başqa hisslərim var. Digər nəhənglərə böyük hörmətim var. Amma Türkiyədə başqa kluba keçmək mən tərəfdən “Beşiktaş”a xəyanət olardı. 12-ci oyunçumuz olan fanatların önündə oynamağı səbirsizliklə gözləyirəm. Burdakı azarkeşlərlə Səudiyyə Ərəbistanındakı fanatları heç müqayisə etmək də düzgün deyil”.