“Qarabağ”ın daha bir müdafiəçisi nizam-intizam qaydalarını pozduğuna görə komandadan göndərilir. Söhbət Abbas Hüseynovdan gedir. O, mövsümün qalan hissəsini Maksim Medvedevin çalışdırdığı əvəzedici komandada keçirəcək. Mövsümün sonunda isə Abbasın artıq “Zirə”yə keçəcəyi ilə bağlı xəbərlər var.

“Qarabağ” forması ilə 7 dəfə çempion olan, 2 dəfə ölkə kubokunu qazanan sağ cinah müdafiəçisi 229 oyuna çıxıb, 12 qol, 12 məhsuldar ötürmə ilə yadda qalıb.

Xatırladaq ki, Sami Mmae də iki ay əvvəl nizam-intizam qaydalarını pozduğuna görə əvəzedici komandaya göndərilmişdi.

MÜZƏFFƏR QULUZADƏ