"Qızlar bütün tapşırıqları yerinə yetirdi" - millimizin məşqçisi
Qadın futbolçulardan ibarət millimizin məşqçisi Rövşən Qasımov DÇ-nin seçmə mərhələsi çərçivəsində Andorra yığması ilə evdə keçirilən oyundan (2:0) sonra mətbuat konfransında fikirlərini bildirib.
"Football-plus.az" xəbər verir ki, məşqçi yaradılan ab-havadan və futbolçuların nümayiş etdirdiyi oyundan razılığını ifadə edib:
“Çox gözəl atmosfer var idi. Bizə olan ümidləri doğrultmağa çalışdıq. İnanıram ki, azarkeşlər oyundan zövq aldı. Komandadan razı qaldıq, qızlar bütün tapşırıqları yerinə yetirdi. Qarşıda bizi çox vacib matçlar gözləyir. İyunda Macarıstan və Şimali Makedoniya yığmaları ilə qarşılaşacağıq. Bundan sonra tam olaraq həmin görüşlərə köklənəcəyik”.
Digər xəbərlər
