Mayk Tayson yenə zorlamada suçlanır...
İngiltərənin məşhur “Daily Mail” nəşri superağır çəkidə sabiq mütləq dünya çempionu Mayk Taysonla bağlı cəlbedici xəbər yayıb.
Belə ki, məşhur boksçu ötən əsrin 90-cı illərinin əvvəlində Olbani şəhərində (Nyu-York ştatı) baş verən zorlama hadisəsində günahkar sayılır. Bir neçə gün əvvəl irəli sürülən iddia üzrə Taysondan 5 milyon dollar tələb olunur. Zərərçəkən hadisəni belə nəql edib:
“Taysonun limuzininə əyləşdim ki, rəfiqəmi onun evindən götürüm. Mayk dərhal mənə toxunmağa başladı və öpməyə çalışdı. Ona bir neçə dəfə “yox” dedim, dayanmağı xahiş etdim, ancaq mənə hücumu davam etdirdi. Ardından tumanımı aşağı çəkdi və kobudcasına zorladı”.
Bu, Taysona yönələn ikinci zorlama iddiasıdı. Xatırladaq ki, boksçu 1992-ci il fevralın 10-da da belə ittiham üzrə günahkar sayılmış, 6 il həbs cəzalı almışdı ki, 3 il “yatandan” sonra çıxdı.
