“İnanıram ki, transferim “Kəpəz”ə əlavə güc qatacaq. Komandaya qələbələr qazandırmaq üçün gəlmişəm. Abdullahi Şuaybu və başqa komanda yoldaşlarımla birlikdə yaxşı oyun sərgiləyib, yüksək pillələrdə qərarlaşmaq istəyirik. Burda “Kəpəz”ə azarkeşlik edən xeyli futbolsevər var. Transfer olunmamışdan əvvəl çox sayda fanat mənə sosial şəbəkə vasitəsilə yazır, şəhər, klub və azarkeşlər haqda məlumat verirdi. Gəncə futbol diyarıdı, bu da mənə pozitiv enerji verir”.

“Kollektivə bir az gec qoşuldum. Burda mənə hamının münasibəti çox yaxşıdı. Gəldiyim gündən baş məşqçi və komanda yoldaşlarım daha tez uyğunlaşmağım üçün çox kömək etdilər. Düşünürəm ki, “Kəpəz” əvvəlkindən daha yaxşıdı. Təlim-məşq toplanışındakı qarşılaşmalar da uğurlu alındı. Yaxşı oyunlar göstərdik və qol buraxmadıq. Bu, komanda üçün çox vacib amildi. Fikrimcə, mövsümün ikinci yarısında yaxşı işlər görüb, nəyisə dəyişməyə nail olacağıq”.

“Qəbələ” ilə oyunda uğurlu nəticə əldə etmək istəyirik. “Kəpəz”in heyətində keçirəcəyim ilk rəsmi matçda 3 xal qazanmaq niyyətindəyəm. Debütümün uğurlu alınmasına çalışacam”.