"Məqsədimiz əlimizdə olan futbolçuların idman formasını yaxşılaşdırmaqdı" - Qurban Qurbanov
Misli premyer-liqasının 19-cu turunda "Qarabağ" səfərdə "Turan Tovuz"a qalib gəlib - 3:2.
Football-plus.az xəbər verir ki görüşdən sonra qonaqların baş məşqçisi Qurban Qurbanov qarşılaşma haqda fikirlərini səsləndirərək jurnalistlərin suallarını cavablandırdı:
"İlk dəqiqələrdən gərgin oyun getdi. Çox möhkəm komandaya qarşı oynadıq. Rəqibin iki hücumçusu müdafiə xəttimizə çox çətinlik yaratdı. Antalyadan birbaşa bura gəlmişik. Futbolçularda bir az yorğunluq var idi. Ən vacib üç xallarımızdan birini qazandıq. "Turan Tovuz"a uğurlar arzulayıram".
- Qapıçı mövqeyi ilə bağlı axtarışlar nə yerdədi?
- Axtarış da gedir, danışıqlar da. Qarşıda bir neçə gün vaxtımız var. Məqsədimiz əlimizdə olan futbolçuların idman formasını yaxşılaşdırmaqdı. Oyunçularımın hər birinə güvənirəm.
- Andrey Lunyovun transferi nə dərəcədə realdı?
- Hələ ki, ancaq danışıqlar gedir.
Digər xəbərlər
