Beynəlxalq Futbol Assosiasiyaları Şurası (İFAB) VAR sistemi ilə bağlı yenilik tətbiq edəcək. Bu haqda məlumatı qurumun rəsmi saytı yayıb.

VAR hakimləri yaxın gələcəkdə mübahisəli epizodları yenidən izlədikdən sonra müvafiq qərarları tribunadakı azarkeşlərə və matçın yayın hüququna malik olan telekanala mikrofon vasitəsilə açıqlayacaqlar. Oyunu həm stadionda, həm də televiziya vasitəsi ilə izləyənlər qərardan xəbərdar ola biləcəklər. Lakin hakimlərin arasında gedən danışıqlar əvvəlki kimi yenə ictimaiyyətə təqdim olunmayacaq.

Yenilik ilk dəfə bu ilin fevralında Mərakeşdə keçiriləcək klublararası dünya çempionatında sınaqdan keçiriləcək. Bu təcrübə uğurlu hesab olunacağı halda, gənclər və qadınlar arasında keçiriləcək dünya çempionatlarında da tətbiq olunacaq.