“Yaşar Vahabzadənin vaxtından Vidadi Rzayevin gözü məni götürmürdü. Səbəbini bu günə kimi də bilmirəm. Hətta məni komandadan qovmadığına görə dəfələrlə Yaşar müəllimlə mübahisə edib. Baş məşqçi də heç bir halda məni komandadan qovmayacağını qəti şəkildə ona deyib”.

“Əlinin səsləndirdiyi fikirlərlə tanışam. İlk növbədə onu deyim ki, Səmədov istər aşağı dəstədə, istərsə də “Kəpəz” premyer-liqaya yüksələndən sonra komandanın kapitanı olub. Tərlan Əhmədovun gəlişindən sonra da 4 tur sarğını daşıdı. Mənim onunla ədavətim olsaydı ilk gündən Tərlan müəllimə deyərdim ki, Əli kapitan olmağa layiq deyil. Baş məşqçi ilk vaxtdan ona güvəndi. Köməkçi-məşqçi nə vaxtdan qərar verən olub? Klubda söz sahibi baş məşqçidi. Bu gün kollektivdə 20-dən çox futbolçu var. Onlardan barəmdə məlumat toplaya bilərsiz. Heç bir futbolçu ilə problemim yoxdu. Və ən vacibi futbol komanda oyunudu. Burda şəxsi prinsiplərdən söhbət gedə bilməz. Futbolçu komandaya fayda verirsə, onu düşərgədən uzaqlaşdırmaq düzgün addım olmaz”.

“O vaxt mən idman internatında oxuyanda soyadını unutduğum Rəhman adlı müəllim var idi. O mənə belə xasiyyətlə heç vaxt futbolçu ola bilməyəcəyimi söyləmişdi. Mən də onun prinsipinə futbol oynadım. Üstündən illər keçəndən sonra bir dəfə “Neftçi”nin oyunundan sonra Rəhman müəllim mənə yaxınlaşıb illər əvvəl səsləndirdiyi fikirlərə görə üzr istədiyini bildirdi. Onun bu sözlərinə qarşılıq olaraq “siz sağ olun ki, məni motivasiya etdiz. O vaxt mənə o sözləri deməsəydiz heç vaxt futbolçu olmayacaqdım” dedim. İndi Əli mənə görə “Kəpəz”dən gedibsə, “Şamaxı”da özünü göstərsin, Vidadinin səhv olduğunu sübut etsin. Ancaq yenə deyirəm, onunla aramızda heç bir narazılıq olmayıb. Onun niyə belə açıqlama verdiyini hələ də başa düşmürəm. Səmədova gələcək karyerasında uğurlar arzulayıram”.