"Türkiyə toplanışı yüksək səviyyədə keçdi. Hazırlıq keçmək üçün hər cür şərait var idi. Meydanların vəziyyəti çox yaxşı idi. Belə şəraitdə keçirilən hazırlıq, həmçinin güclü rəqiblərlə yoxlama oyunları bizə çox şey qazandırdı. Bu toplanış həmçinin əvvəlki formamı bərpa etməyim baxımından mənim üçün də çox faydalı oldu. Bildiyiniz kimi, zədə səbəbindən mövsümün ilk yarısında komandama çox az oyunda kömək edə bildim. Hər keçən gün əvvəlki formamı bir az da bərpa edirəm. İnanıram ki, toplanış müddətində çəkdiyimiz əziyyətin bəhrəsini çempionatda görəcəyik".