"Şamaxı" və "Qarabağ" rəhbərliyi arasında danışıqlar necə nəticələnib? - AÇIQLAMA
"Şamaxı" və "Qarabağ" rəhbərliyi arasında Antalyada danışıqlar baş tutmalıydı.
Belə ki, "şirlər" Ağdam təmsilçisinin futbolçusu İsmayıl İbrahimlini heyətinə qatmaq üçün müzakirələr aparacaqdı. Bunun üçün isə bölgə komandasının baş meneceri Kamran İsmayılov Antalyaya yollanmışdı. Klubların vətənə döndüyünü nəzərə alsaq, belə başa düşmək olar ki, "Şamaxı" ilə "Qarabağ" arasındakı danışıqlar müsbət nəticə verməyib. Maraqlıdı, iki klub arasındakı müzakirələr niyə nəticəsiz qalıb? Ümumiyyətlə, bu proses baş tutub? Bu suallara cavab tapmaq üçün "Şamaxı"nın baş meneceri Kamran İsmayılovla əlaqə saxladıq. Onun "Football-plus.az" saytına açıqlaması belə oldu:
"Mən heç vaxt nəticəsi olmayan danışıqlar barədə ictimaiyyətə açıqlama verməyin tərəfdarı olmamışam. Hesab edirəm ki, bu iki tərəfin daxili məsələsidi və məncə, açıqlanmamalıdı. Ona görə də hələ ki bir nəticə olmadığı üçün sizə açıqlama verə bilməyəcəm".
ŞAİR ABDULLA
Digər xəbərlər
