Vaxtilə MHL-də xarüqələr yaradan Yaromir Yaqr hələ də hokkey çubuğunu əlindən yerə qoymayıb.

Sadəcə, indi Çexiya çempionatında oynayır. “Kladno”nun hücumçusu komandasının “Enerji”yə 2:4 hesabıyla uduzduğu oyunda qol vurub. 50 yaşlı forvard cari mövsümdə keçirdiyi 13 oyunda iki dəfə fərqlənməklə yanaşı, 7 məhsuldar ötürmə də verib. Maraqlıdı ki, Yaqr karyerasını davam etdirmək üçün motivasiya tapa bilmədiyinə görə mövsümün ilk yarısını buraxmışdı. Ancaq onun fədakarlığı da “Kladno”nun dərdinə məlhəm deyil. 39 oyunda 41 xal toplayan komanda turnir cədvəlinin sonuncu pilləsində qərarlaşıb.