Selyanneyə 5 min avroluq qəbz gəlib
Finlandiya hokkey yığmasının sabiq oyunçusu Teemu Selyanne elektrik enerjisinin sərfinə görə aldığı 5 min avroluq qəbzə görə gileylənib.
Sabiq MHL ulduzu bildirib ki, hazırda yaşamadığı Kirkkonummidəki şəhərətrafı evin qızdırılmasına böyük məbləğ xərcləyir. Sosial şəbəkə istifadəçilərindən biri göstərilən rəqəmin reallığına şübhə etdiyindən Selyanne izahat verməli olub:
“Elektrik enerjisinə görə hesabı şəxsən sizə təqdim edirəm. Ev sentyabrda qış üçün hazırlanıb. Basseyn və cakuzi boşaldılıb, sauna sökülüb. Evin hərarəti 15 dərəcədə qoyulub. Hər həftə ora baş çəkirik ki, evdə hər şeyin qaydasında olub-olmadığını yoxlayaq”.
Selyanne karyerasını 2014-də bitirib, 2007-də “Anahaym”la Stenli kubokunu qazanıb. Debüt mövsümündə qol sayına görə MHL rekordu məhz ona məxsusdu – 1992/93 mövsümündə “Vinnipeq”in heyətində 76 qol vurub. 2017-də fin ulduzun adı MHL-in Şərəf zalına salınıb.
Digər xəbərlər
