“Yanvarın 11-dən etibarən Antalyadayam. Məndən iki gün əvvəl isə De Byazi gəlib. Maksimum bütün oyunları izləməyə çalışmışıq. Ötən cümə 4 oyun baş tutdu. Həmin qarşılaşmaların ikisini baş məşqçi izlədi, ikisini də mən. Təlim-məşq toplanışında klublarımızın əsas məqsədi yoxlama oyunlarında gücünü sınamaqdı. Burda başqa ölkələrin təmsilçiləri də hazırlıq keçir. Həmçinin də yoxlama oyunlarında üz-üzə gəlirlər. Bəziləri yeni transferlərini yoxlayır, bəziləri gənclərə şans verir. Yəni demək olar ki, təlim-məşq toplanışı klublarımız tərəfindən planlı şəkildə icra olunur. Toplanışın mənfi tərəfi odu ki, biz gələndən sonra ardıcıl iki gün dayanmadan güclü yağış yağdı. Bu da komandaların oyununa təsir göstərdi. Bəzi qarşılaşmalar hətta təxirə salındı. Başqa hər şey yaxşıdı. Yanvarın 19-dək keçiriləcək oyunları izləməyə çalışacağıq. Ondan sonra vətənə dönməyi düşünürük”.