Dəfələrlə xəbər verdiyimiz kimi, qarşıdakı illərdə hazırda 10 komandanın mübarizə apardığı “Formula-1” üzrə dünya çempionatının genişlənməsi gözlənilir.

Amma “Reuters”in yaydığı xəbərə görə, çempionatda yarışan bəzi komandalar debütantlar üçün üzvlükhaqqının məbləğinin artırılmasını istəyir. Reqlamentə uyğun olaraq, “Andretti”nin də sıralarına qoşulmaq istədiyi bütün yeni komandalar qalan 10 iştirakçıya 200 milyon dollar ödəməlidi. Amma bəzi komandalar belə hesab edir ki, 200 milyon dollar azdı və bu məbləği 500 milyona qaldırmaq lazımdı.

Hələ ki “Andretti”yə rəhbərlik edən və başqa çempionatlarda komandası olan Andrettilər ailəsi bu xəbərə münasibət bildirməyib. Sadəcə, görünən mənzərə odu ki, qalan iştirakçılar dünya çempionatının genişlənməsi ideyasına o qədər də isti yanaşmır, yenilərin yoluna hər cür kötük dığırlayır.