Ferstappen: “Kimin ağlına gələrdi ki, ikiqat çempion olacam”
2022 “Red Bull” və Maks Ferstappen üçün tarixə ən uğurlu illərdən biri kimi düşdü.
Football-plus.az xəbər verir ki, həm komanda, həm də pilot böyük üstünlüklə titula yiyələndi.
Tarixi uğurlardan söz düşəndə 1988 mövsümünün “Maklaren”ini xatırlayırlar. Həmin il bu komandanın pilotları 16 “Qran-pri”də 15 qələbə qazanmışdılar ki, bu da 93 faizdən artıqdı. “Red Bull”un bu il qələbə faizi bir qədər aşağıdı, lakin Milton-Kins komandasının nailiyyətləri heç də adi deyil. Ferstappenlə Peresin 17 qələbəsinə iki sprint zəfəri də əlavə edilməlidi. Niderlandlı pilot belə uğuru gözləmirmiş:
“Mövsümün bu qədər yaxşı keçəcəyini gözləmirdim, xüsusən də ilk yarışlarda mənə elə görünmürdü. Bütün “Red Bull” komandası həqiqətən xoşbəxtdi. Başa düşürəm ki, 15 qələbə nadir hallarda olur, çünki 2022-ci ilə qədər cəmi 20 qələbəm olub. İndi bir mövsümdə onların sayı 15-di, bu, sadəcə, inanılmazdı. Fransa mərhələsində qalib gələndə düşündüm ki, titul bizimdi. Gərək bəxtsizlik olmasın. O vaxt biz artıq böyük üstünlüklə lider idik və düşünürdüm ki, bunu əldən verməyəcəyik. Əslində Fransadakı yarışdan sonra işlər daha da yaxşılaşdı. Kimin ağlına gələrdi ki, ikiqat çempion olacam. Avtoidmana başlayanda bu haqda düşünmürdüm. Bununla kifayətlənməyəcəm”.
Digər xəbərlər
