Nadal: “Messi overtaymda qol vuranda gözümdən yaş axdı”
İspaniyalı tennisçi, həm də “Real”ın azarkeşi kimi tanınan Rafael Nadal dünya çempionatının finalı ilə bağlı emosiyalarını bölüşüb:
“Bu baxımlı oyunu böyük məmnunluqla izlədim. Təəssüf ki, İspaniya mübarizəni 1/8 finalda dayandırdı. Möhtəşəm final idi. Çoxlu fransalı dostuma görə təəssüflənirəm. Paris və Fransa mənim üçün çox şey deməkdi. Ancaq argentinalı dostlarım da çoxdu. Və Messinin dünya çempionluğunu qazanması məni xoşbəxt etdi. Belə böyük futbolçunun çatışmayan titulla kulminasiya anına çatması Argentina üçün çox önəmlidi. Bu mənə ədalətin bərpası kimi göründü, təsirləndim. Messi overtaymda qol vuranda gözümdən yaş axdı. Həqiqətən finaldan ləzzət aldım, xüsusən də 70-ci dəqiqədən sonra oyun möhtəşəm idi”.
Digər xəbərlər
