Tayson üç pələngə görə 150 min dollar ödəyibmiş
Boks üzrə ağır çəkidə sabiq mütləq dünya çempionu Mayk Tayson 2000-ci illərin əvvəlində üç pələng aldığını və bunların hər birinin ona 50 min dollara başa gəldiyini deyib:
“Yaşlı pələngi 70 min, kiçiyi isə 50 min dollara ala bilərdim. Belədə kiçik pələngi götürdüm. Ona butılka ilə yemək verdim, nəticədə çəkisi 180 kiloqrama gəlib çatdı. Sonra yavaş-yavaş öz-özünə düşünürsən ki, mən bu heyvandan necə qurtulum? O mənə münasibətdə heç vaxt aqressiv olmadı”.
Maraqlıdı ki, Tayson bir müddət əvvəl GQ-yə verdiyi müsahibədə 16 il pələng saxladığını iddia etmişdi. Ancaq heyvanın gözü və başı ağrıdığına, eləcə də kiminsə əlini qopardığına görə ondan qurtulmalı olub.
Digər xəbərlər
