Dünyanın kişi və qadın tennisçilərinin ənənəvi həftəlik reytinq cədvəli açıqlanıb.

Football-plus.az xəbər verir ki, kişi tennisçilərin sıralamasında heç bir ciddi dəyişiklik yoxdu. Sadəcə, Oje-Alyassimlə Fritsin yerdəyişməsini qeyd etmək olar. İlk üç pillədə Alkaras, Nadal və Ruudun qərarlaşdığını xatırladaq. Qadınların sıralamasında isə yerdəyişmələr çoxdu. Sventek əvvəlki kimi liderlik edirsə, Jaber 2-ci, Pequla 3-cü yerdədi. Kontaveyt və Badosa ilk “10-luğ”u tərk edib, onların yerini rusiyalılar – Kasatkina ilə Kudermetova tutub. Qarsiya isə 10-cu pillədən altıncıya qədər irəliləyib.

Bu arada “Böyük dəbilqə” turnirlərinin 22 qat qalibi Rafael Nadalın Parisdə keçiriləcək “Masters” seriyalı turnirdə və ATP-nin illik yekun turnirində iştirak edəcəyi bəlli olub. Bu haqda xəbəri “Eurosport” ünlü ispan tennisçinin məşqçisi Karlos Moyyaya istinadla yayıb:

Xatırladaq ki, Nadal yayda qarnındakı ağrı üzündən “Uimbldon”un yarımfinal oyunundan çəkildi. Ardından Leyver Kubokunda iştirak etdi. Parisdəki “Masters” seriyalı turnir oktyabrın 31-də start götürəcək. ATP-nin yekun turniri isə noyabrın 13-20-si aralığında Turində keçiriləcək.

ATP reytinqi

1 (1*). Karlos Alkaras (İspaniya) 6730
2 (2). Rafael Nadal (İspaniya) 5810
3 (3). Kasper Ruud (Norveç) 5600
4 (4). Daniil Medvedev (Rusiya) 5155
5 (5). Stefanos Sisipas (Yunanıstan) 5035
6 (6). Aleksandr Zverev (Almaniya) 4860
7 (7). Novak Cokoviç (Serbiya) 4320
8 (8). Andrey Rublev (Rusiya) 3685
9 (10). Fekiks Oje-Alyassim (Kanada) 3315
10 (9). Teylor Frits (ABŞ) 3195

WTA reytinqi

1 (1). İqa Sventek (Polşa) 10335
2 (2). Ons Jaber (Tunis) 4555
3 (5). Cessika Pequla (ABŞ) 4316
4 (7). Kori Qauff (ABŞ) 3271
5 (6). Mariya Sakkari (Yunanıstan) 3121
6 (10). Karolin Qarsiya (Fransa) 3000
7 (4). Arina Sobolenko (Belarus) 2970
8 (11). Darya Kasatkina (Rusiya) 2935
9 (12). Veronika Kudermetova (Rusiya) 2795
10 (9). Simona Halep (Rumıniya) 2661
* - əvvəlki reytinqdə yerini göstərir.