Yunanıstanın SDNA portalının yazdığına görə, “Fənərbaxça” 25 yaşlı, 208 sm boya malik Kostas Adetokumbo ilə anlaşıb.

Yunan basketbolçu yaxınlarda “Çikaqo”dan ayrılıb. Kostas oktyabrda bu komanda ilə müqavilə bağlasa da, bir oyuna da çıxmayıb. MBA ulduzu Yannis Adetokumbonun kiçik qardaşı Avroliqada ötən mövsüm ASVEL-in formasını geyib və hər oyunda orta hesabla 6,2 xal, 2,8 ribaund göstəricisi ilə yadda qalıb. Kostas həmçinin sonuncu Avropa çempionatına da qatılıb. Xatırladaq ki, Yunanıstan yığmasını qitə biriniciliyinə hazırda “Fənərbaxça”nın “sükanı arxasında” olan Dimitris İtudis aparmışdı.