Şəhriyar Əliyev: “Ona nə vaxtsa irad, nöqsan tutanda bundan inciməyib"
Premyer-liqanın 17-ci turunun "Turan Tovuz" - "Neftçi" qarşıdurmasının 85-ci dəqiqəsində bir neçə dəfə səhvə yol verən Şakir Seyidovu komanda yoldaşı Şəhriyar Əliyev "başını işlət", - deyə tənbeh etdi.
Görəsən, kapitan meydanda tez-tez futbolçulara belə göstəriş verir?
Football-plus.az olaraq suala cavab almaq üçün Şəhriyara müraciət etdik:
"Oyunda emosiyalar olur. "Neftçi"ylə üstün olduğumuz matçda hesabda geridəydik, ona görə irəli atılıb qol vurmaq istəyirdik. Şakir top itkilərinə yol verdi. Ona görə o ifadəni işlətdim. Əslində tək ona yox, ehtiyac olanda başqa futbolçulara da göstəriş verirəm. Bu da onların meydanda oyuna daha yaxşı qoşulmasına görədi. Sağ olsunlar, həm kapitan, həm təcrübəli futbolçu kimi sözümü qəbul edirlər. Şakir kiçik qardaşımdı, ona nə vaxtsa irad, nöqsan tutanda bundan inciməyib"
ABDULLA İSMAYILOĞLU
Digər xəbərlər
