Şəhriyar Əliyev şamaxılı azarkeşlərə qiymət verdi - AÇIQLAMA
Premyer-liqada 22-ci turun oyunları keçirilir.
Bu gün "Şamaxı" ilk matçına çıxdı. Komanda doğma azarkeşlər önündə "Neftçi"ni qəbul etdi. Qonaqlar görüşdən 2:1 hesablı qələbə ilə ayrıldı. Möhtəşəm ab-havada keçən matçdan sonra ev sahiblərinin futbolçusu Şəhriyar Əliyevin təəssüratını öyrəndik:"Oyuna çox istəkli başladıq. Yaxşı oynayıb, azarieşlərimizi sevindirmək istəyirdik. Fanatlarınız möhtəşəm idi. 90 dəqiqə bizə dayanmadan dəstək oldular. Çox istəyirdik onları sevindirək. Ümid edirəm ki, hər oyuna bu qədər azarkeş gələcək. Belə möhtəşəm azarkeşlər önündə oynamaq yaxşı mənada ləzzət etdi. Evdə daha iki oyunumuz var. "Səbail" və "Qəbələ" ilə qarşılaşacağıq. İnanıram ki, həmin qarşılaşmalarda da azarkeşlər gəlib komandaya dəstək olacaq. Biz də qələbə qazanıb onları sevindirməyə çalışacağıq".
GÜNAY VƏLİYEVA
Digər xəbərlər
