Məşhur “New York Times” qəzeti 2022-ci ilin ən dəbli adamlarının 93 nəfərlik siyahısını dərc edib.

Siyahıya “Mersedes”in pilotu Lüis Hemilton, amerikalı tennisçi Serena Uilyams, “Leykers”in forvardı Lebron Ceyms və “Qolden Steyt”in oyun qurucusu Stefen Karri də düşüb. 93 nəfər arasında aktyorlar, siyasətçilər və başqa məşhur şəxslər də yer alıb.

Bildiyiniz kimi, britaniyalı Hemilton “Formula-1” üzrə yeddiqat dünya çempionudu. Serena karyerası boyunca “Böyük dəbilqə” turnirlərində 23, WTA turnirlərində 73 qələbə qazanıb və 4 dəfə olimpiya çempionu olub. Lebron ikiqat olimpiya, dördqat MBA çempionudu. Stefen isə məhz bu il MBA çempionluqlarının sayını 4-ə çatdırıb və karyerasında ilk dəfə final seriyasının ən dəyərli oyunçusu sayılıb.