Karri Cordanla Ceymsin rekordunu təkrarladı
MBA-da final seriyasının 4-cü oyununda “Qolden Steyt” inamlı qələbə qazandı.
“Uorriorz”un oyun qurucusu Stefen Karri seriyada hesabın bərabərləşməsində böyük rol oynadı. O, srağagün 43 xal topladı və 10 ribaund etdi. 34 yaşlı amerikalı ulduz bu oyunda 14 dəfə üçxallıq atış etdi və 7 halda hədəfinə çatdı. Karri MBA tarixinə 34 və daha artıq yaşda final seriyasımda 40 və daha çox xal toplamağı bacaran 3-cü basketbolçu kimi düşdü. Əvvəllər bunu Maykl Cordanla Lebron Ceyms bacarmışdı. Karri oyundan sonra belə dedi: “Qeyri-adi nəticədi. Ancaq hiss edirəm ki, bir qədər də yaxşı oynaya bilərik. Səfər oyununda meydan üstünlüyünü özümüzə qaytarmaq çox yaxşı və vacibdi. Bu mənim üçün artıq 6-cı finaldı. Tarazlığı və sakitliyi, özünəinamı qorumaq baxımından böyük təcrübəm var. Bu oyunun necə böyük əhəmiyyət daşıdığını anlayırdıq”.“Qolden Steyt”in baş məşqçisi Stiv Kerr də qələbəni şərh etdi: “Bizdə günlərin birində Şöhrət zalına düşəcək oyunçu qrupu var – Stefen Karri, Kley Topmpson, Dreymond Qrin. Onlar daim komandadadılar. Təkcə istedadlı deyillər, həm də rəqabətədavamlıdılar ki, bu da səfərdə qələbə qazanmaq üçün çox vacibdi. İradə, intensivlik və qələbə arzusu göstərməlisiz. Bu oyunçularda dediyim keyfiyyətlər var”.
11 iyun
Boston – Qolden Steyt 97:107 (28:27, 26:22, 24:30, 19:28)
Seriyada hesab – 2:2.
Digər xəbərlər
