“Qolden Steyt”in oyun qurucusu Stefen Karri “Sports Illustrated” nəşrinin versiyasına görə başa çatmaqda olan ilin ən yaxşı idmançısı sayılıb.

Football-plus.az xəbər verir ki, 34 yaşlı basketbolçu məhz bu il MBA-nın dördqat çempionu olub və final seriyasının ən dəyərli oyunçusu sayılıb. Karri fevralda Klivlenddə keçirilən Ulduzların oyununda da ən dəyərli basketbolçu olub. “Qolden Steyt”in ulduzunun həm müntəzəm çempionatda, həm də pley-offda üçxallıq atışların sayına görə MBA tarixinin ən yaxşısı olduğunu da xatırladaq.

Parket üzərində yaşananlara gəlincə, dünən evdə “Hyuston”u məğlub edən “San-Antonio” 11 oyunluq məğlubiyyət seriyasına son qoydu.