“Forbes”in yaydığı xəbərə görə, “Leykers”in forvardı Lebron Ceyms MBA-nın fəaliyyətdə olan oyunçuları arasında ilk milyarderdi

. Bu nəşrə inansaq, ulduz basketbolçunun sərvəti 1,2 milyard dollardan artıqdı. Lebron bu pulun 385 milyonunu “Klivlend”, “Mayami” və “Leykers”də əməkhaqqı kimi alıb. Daha 900 milyon isə qoyduğu investisiyaların və reklamdan gələn qonorarın payına düşür. 27 yaşlı basketbolçu ötən il 121,2 milyon dollar qazanıb.

Beləliklə, Lebron tarixə karyerasını bitirmədən milyardar olan ilk basketbolçu kimi düşüb. Ona qədər “Çikaqo”nun sabiq oyunçusu Maykl Cordan da milyard qazanıb. Sadəcə, karyerasını bitirəndən sonra.

Levron dördqat MBA çempionudu, həmçinin 4 dəfə MBA finalının ən dəyərli oyunçusu üçün mükafata sahib çıxıb. 18 dəfə “Ulduzların oyunu”nda iştirak edib. Ceyms bu göstəricidə “Leykers”in sabiq müdafiəçisi Kobe Brayantla birgə 2-ci yerdə qərarlaşıb. Lider isə “Leykers”in sabiq mərkəz oyunçusu Kərim Əbdül-Cabbardı.