Ağdamlıların akademiyasının əlaqələndiricisi Aftandil Hacıyev “Football-plus.az”a açıqlamasında 18 yaşlı hücumçunun Yunanıstana öz təşəbbüsü ilə yollandığını, indiyə qədər “köhlən atlar”la Pirey təmsilçisi arasında hansısa danışığın olmadığını bildirmişdi. O, həmçinin baxış müddətinin 1 həftə - 10 gün davam edəcəyini, yunanların Əlini heyətə cəlb etmək istəyəcəyi təqdirdə “Qarabağ”la danışıqlar aparacağını bildirmişdi.
Məsələnin nə yerdə qaldığını öyrənmək üçün yenidən Aftandil bəyə müraciət etdik. Klub rəsmisinin cavabı:
“Əli Yunanıstandan ölkəmizə qayıdıb. Hazırda klubumuzun düşərgəsindədi. Məşqlərə davam edir, oyunlara çıxır. “Olimpiakos”da təcrübə topladı. Onun qayıdışından sonra Pirey təmsilçisi bizlə əlaqə saxlamayıb”.
KƏNAN BAHADIR
