Ruan Renato: “Qarabağ”la görüşlərdə gözəl nəticə əldə edəcəyimizə ümid edirəm”
Sabah Azərbaycan kubokunun 1/4 final mərhələsində “Qarabağ” “Qəbələ” ilə qarşılaşacaq.
“Qırmızı-qaralar”ın üzvü Ruan Renato oyunla bağlı fikirlərini “Football-plus.az” saytına bölüşüb. Braziliyalı müdafiəçi sabahkı oyuna hazır olduqlarını bildirib:
“Bilirik ki, bizi “Qarabağ”a qarşı çətin oyun gözləyir. Onlara qarşı keçirdiyimiz matçlar həmişə maraqlı alınıb. Lakin inanıram ki, bu görüşə hazırıq. Ümumiyyətlə, “Qarabağ”la 3 ardıcıl oyun keçirəcəyik. Qarşılaşacağımız rəqibdən asılı olmayaraq meydana həmişə qələbə qazanmaq üçün çıxırıq. “Qarabağ”la görüşlərdə gözəl nəticə əldə edəcəyimizə ümid edirəm”.
İLKİN SULTANLI
