Tanınmış menecer Çerışevin “Sabah”ı gücləndirə biləcəyinə inanmır
Qış fasiləsi yaxınlaşdıqca transfer dedi-qoduları da çoxalır.
“Football-plus.az” xəbər verir ki, Ayaz Quliyevin “Neftçi”yə, Denis Çerışevin isə “Sabah”a keçəcəyi bildirilir. Görəsən, bu transferlər həqiqətən baş tutacaq? Adı çəkilən futbolçular premyer-liqada çıxış edə bilər?
Suallarımızı tanınmış menecer Erkin İbrahimova ünvanladıq:
"Bu keçidlərin nə dərəcədə real olacağını işin içində olmayan heç kim bilə bilməz. Ayaz Quliyev planı çoxdan var. Əlbəttə, "Neftçi" hazırda elə bir durumdadı ki, yuxarı-aşağı istənilən futbolçu, üstəlik, Azərbaycan vətəndaşlığı olan biri ilə komandanı gücləndirə bilər. Burda baş məşqçi və rəhbərliyin kimliyi fərq etməz. "Ağ-qaralar"ın durumu elədi ki, bütün mövqelərə oyunçu lazımdı. "Sabah"ın isə heç də Denis Çerışevdən zəif olmayan futbolçuları var. Onun komandanı gücləndirəcəyinə inanmıram. Murad Musayevin komandası uğurlu çıxış edir, ehtiyat oyunçular skamyasındakılar belə yüksəködənişli oyunçulardı. Rusiyanı hamı tərk etmək istəyir deyə, media yazır ki, Kerjakov "Səbail"ə keçəcək. Çox çıxacaq belə söz-söhbətlər. Baxmaq lazımdı ki, hansı məşqçi və ya futbolçu haranı gücləndirə biləcək. "Səbail"ə istənilən çalışdırıcı gəlsə, indikindən yaxşı olacaq. Komanda ardıcıl məğlubiyyətlər alır".
İSMAYIL XEYRULLAYEV
Digər xəbərlər
