Ötən bazar Region Liqasında ikinci turun oyunları keçirilib.

Cənub zonasında baş tutan üç görüşdə qapılara ümumilikdə 22 qol vurulub. Birinci oyun həftəsində böyük hesabla yenilən “Xəzər Lənkəran 42” bu dəfə doğma meydanda “Neftçala”ya qalib gəlməklə azarkeşlərini sevindirib. Ağadadaş Həmidovun çalışdırdığı komanda qonaqların qapısından 4 cavabsız top keçirib. Liqanın debütantı “Lerik” mövsümdə ilk qələbəsini qazanıb. Eyniadlı bölgənin təmsilçisi səfərdə “Ərkivan”dan üstün olub. Mövsümün açılış oyununda böyükhesablı qələbəyə sevinən “Qobustan” “Zəfər 44” ilə “sülh bağlayıb”. İki turdan sonra turnir cədvəlində üçhakimiyyətlikdi. “Qobustan”, “Zəfər 44” və “Lerik”in hesabında 4 xal var. Top fərqinə görə “Qobustan” ilk pillədə qərarlaşıb.

Cənub regionu
Xəzər Lənkəran 42 – Neftçala 4:0
Ərkivan (Masallı) – Lerik 2:6
Qobustan – Zəfər 44 (Cəlilabad) 2:2
1. Qobustan 2 1 1 0 7-2 4
2. Zəfər 44 2 1 1 0 6-2 4
3. Lerik 2 1 1 0 6-2 4
4. Xəzər Lənkəran 42 2 1 0 1 4-5 3
5. Neftçala 2 0 1 1 0-4 1
6. Ərkivan 2 0 0 2 2-10 0
Bombardirlər: Zaur Nuruzadə (Lerik), Mirəli İsmayılov (Xəzər Lənkəran 42) – 3.
Mərkəz regionu
Mərkəzdə də futbolsevərlər bir-birindən maraqlı oyunlara tamaşa edib. Liqanın iddialılarından sayılan “Füzuli”nin səfərdə “Ağsu Siti”yə yenilməsi bir qədər gözlənilməz olub. “Araz” isə Füzulinin daha bir təmsilçisi “Ərgünəş”i məyus edib. “İsmayıllı” ilə “Ağsu-06” qalibi müəyyənləşdirə bilməyib. Saatlı komandası iki turdan sonra vahid lider kimi yoluna davam edir.
Ağsu Siti – Füzuli 3:1
İsmayıllı – Ağsu-06 1:1
Ərgünəş (Füzuli) – Araz (Saatlı) 1:2
1. Araz 2 2 0 0 5-2 6
2. Füzuli 2 1 0 1 6-4 3
3. Ağsu Siti 2 1 0 1 3-2 3
4. Ərgünəş 2 1 0 1 2-2 3
5. İsmayıllı 2 0 1 1 2-4 1
6. Ağsu-06 2 0 1 1 2-6 1
Bombardirlər: Ağaşah Eminli (Ağsu Siti) – 2, Tural Qürbətov (Füzuli) – 2.
Paytaxt regionu
Qusar derbisində “Şirvanovka” rayonun eyniadlı komandasını qəbul edib. Tərəflərin səyinə baxmayaraq, 90 dəqiqə qolsuz başa çatıb. “Gənclik” “Mübariz”dən üstün olubsa, “Bakı Atletik” bu dəfə darmadağınla üzləşib. İlk turda qapısında 11 qol görən komandanı bu dəfə “Rekord” 14 dəfə meydanın mərkəzinə dəvət edib.
A qrupu
Şirvanovka – Qusar 0:0
Mübariz – Gənclik 0:4
Rekord – Bakı Atletik 14:0
1. Qusar 2 1 1 0 12-0 4
2. Rekord 1 1 0 0 14-0 3
3. Mübariz 2 1 0 1 11-6 3
4. Gənclik 2 1 0 1 4-12 3
5. Şirvanovka 2 0 2 0 0-0 2
6. Dirçəliş 1 0 1 0 0-0 1
7. Bakı Atletik 2 0 0 2 2-25 0
Bombardirlər: Cəfər Şahmuradov (Mübariz) – 8, Sərxan Ağayev (Qusar) – 5, Rəhim Nağıyev (Rekord) – 4.
B qrupu
Bu qrupda “Zəngilan-Çinar” yüzfaizlik nəticə göstərməkdə davam edir. Zəngilanlar ikinci oyun həftəsində liqanın ötənilki qalibi “Cəbrayıl”ı məğlub edib. Nominal meydan sahibləri qonaqların 4 qolundan heç birinə cavab verə bilməyib. Mövsümdə ilk oyununa çıxan “Lokomotiv” “Cürət”i bir top fərqi ilə üstələyib. İsgəndər Cavadovun adını daşıyan akademiyanın komandası da turu məyus başa vuranlar arasındadı.
Cəbrayıl – Zəngilan-Çinar 0:4
Difai – İCBFA 4:2
Lokomotiv – Cürət 5:4
1. Çinar-Zəngilan 2 2 0 0 16-0 6
2. Difai 2 2 0 0 14-4 6
3. Lokomotiv 1 1 0 0 5-4 3
4. İCBFA 2 0 1 1 4-6 1
5. Cəbrayıl 2 0 1 1 2-6 1
6. Cürət 2 0 0 2 6-15 0
7. İrəvan 1 0 0 1 0-12 0
Bombardirlər: Sergey Markelov (Çinar-Zəngilan), Eşqin Tağıyev (Difai) – 6.
Şimal-Qərb regionu
Bu regionda turnir cədvəlində üçhakimiyyətlikdi. İki turdan sonra “Karvan”, “Ağstafa” və “Marxal” hərəyə 6 xal toplayıb. Yevlax təmsilçisi topların daha yaxşı fərqinə görə ilk pillədə qərarlaşıb. Üç komanda – “VT Gəncə”, “Qala” və “Şəki” xala həsrətdi. İkinci turda gəncəlilər “Karvan”a, “Qala” “Ağstafa”ya, “Şəki” isə “Göygöl”ə böyük hesabla yenilib. Ölkə futbolunun köklü klublarından olan “Göyəzən” də səfərdə “Marxal”a boyun əyib.
Göygöl – Şəki 8:1
Marxal (Şəki) – Göyəzən (Qazax) 4:1
Ağstafa – Qala (Şəmkir) 4:0
Karvan (Yevlax) – VT Gəncə 4:0
1. Karvan 2 2 0 0 6-0 6
2. Ağstafa 2 2 0 0 7-2 6
3. Marxal 2 2 0 0 5-1 6
4. Göygöl 2 1 0 1 8-3 3
5. Göyəzən 2 1 0 1 6-6 3
6. VT Gəncə 2 0 0 2 2-7 0
7. Qala 2 0 0 2 0 5 0
8. Şəki 2 0 0 2 3-13 0
Bombardirlər: Elgün Namazov (Ağstafa) – 5, Ceyhun Rəcəbli (Marxal) – 4, İslam Piriyev (Göyəzən) – 3.

RƏŞAD