Ötən bazar Region Liqasında 3-cü turun oyunları keçirilib.

Football-plus.az xəbər verir ki, əvvəlcə cənubda baş tutan qarşılaşmalara nəzər salaq. Cəlilabadda yerli “Zəfər 44” “Xəzər Lənkəran 42”ni qonaq edib. Tərəflərin cəhdlərinə baxmayaraq, 90 dəqiqə qolsuz bitib. Liqanın debütüntı “Lerik” isə azarkeşlərini yenə sevindirib. Bölgənin eyniadlı komandası “Qobustan”ı minimal hesabla üstələyib. Qrupun autsayderi “Ərkivan” 3-cü oyun həftəsini də məğlub başa vurub. Masallı komandası səfərdə “Neftçala”dan zəif olub. 3 turdan sonra “Zəfər 44” liderdi. “Qobustan”la “Lerik” cəlilabadlılardan 1 xal geri qalır.

Cənub regionu
Zəfər 44 (Cəlilabad) - Xəzər Lənkəran 42 0:0
Lerik – Qobustan 1:0
Neftçala – Ərkivan (Masallı) 3:0
1. Zəfər 44 3 1 2 0 6-2 5
2. Qobustan 2 1 1 0 7-2 4
3. Lerik 2 1 1 0 6-2 4
4. Xəzər Lənkəran 42 3 1 1 1 4-5 4
5. Neftçala 3 1 1 1 3-4 4
6. Ərkivan 3 0 0 3 2-13 0
Bombardirlər: Zaur Nuruzadə (Lerik), Mirəli İsmayılov (Xəzər Lənkəran 42) – 3.

Mərkəz regionu
Mərkəzdə cəmi iki oyun keçirilib. Liqada mövsüm yeni başlasa da, təəssüf ki, artıq maliyyə problemi üzündən meydana çıxmayan komanda var. Söhbət “Ağsu Siti”dən gedir. Rəmzi Eminlinin prezidenti olduğu klub “Araz”la qarşılaşma üçün Saatlı səfərinə yollanmayıb. Əvəzində Ağsunun digər təmsilçisi “Ağsu-06” rayon əhalisinin üzünü güldürüb. Komanda öz meydanında “Ərgünəş”in qapısından 3 cavabsız top keçirib. “Füzuli” isə Qaradağ Olimpiya Kompleksinin meydanında “İsmayıllı”nı böyük hesabla yenib və turnir cədvəlində ilk pilləyə yüksəlib. Eyni xala malik “Araz” top fərqinə görə ikincidi.

Ağsu-06 – Ərgünəş (Füzuli) 3:0
Füzuli – İsmayıllı 4:0
Araz (Saatlı) – Ağsu Siti + -
1. Füzuli 3 2 0 1 10-4 6
2. Araz 2 2 0 0 5-2 6
3. Ağsu Siti 2 1 0 1 3-2 3
4. Ərgünəş 2 1 0 1 2-2 3
5. Ağsu-06 2 0 1 1 2-6 1
6. İsmayıllı 3 0 1 2 2-8 1

Bombardirlər: Tural Qürbətov (Füzuli) – 3, Cəsur Hüseynov (Füzuli), Ağaşah Eminli (Ağsu Siti) – 2.
Paytaxt regionu
A qrupunda “Gənclik” “Rekord”du, “Şirvanovka” isə “Mübariz”i evə əliboş yola salıb. “Qusar” səfərdə “Dirçəliş”i meydana çıxmağa peşman edib. Bölgənin eyniadlı komandası hazırda qrupun lideri kimi rəqiblərinə yuxarıdan aşağı baxır. Bir oyun az keçirən “Rekord” liderdən 1 xal geri qalır.

A qrupu
Gənclik – Rekord 0:3
Şirvanovka – Mübariz 3:1
Dirçəliş – Qusar 1:5
1. Qusar 3 2 1 0 17-1 7
2. Rekord 2 2 0 0 17-0 6
3. Şirvanovka 3 1 2 0 3-1 5
4. Mübariz 3 1 0 2 12-9 3
5. Gənclik 3 1 0 2 4-15 3
6. Dirçəliş 2 0 1 1 1-5 1
7. Bakı Atletik 2 0 0 2 2-25 0
Bombardirlər: Cəfər Şahmuradov (Mübariz), Sərxan Ağayev (Qusar) – 8.

B qrupu
Bu qrupda azarkeşlərin diqqəti iki turdan sonra yüzfaizlik nəticə göstərən komandaların oyununa yönəlmişdi. Liderlərin görüşündə sevinən tərəf “Difai” olub. “Çinar-Zəngilan” qonaqların iki qolundan yalnız birinin cavabanı verib. Ötənilki çempion “Cəbrayıl” “İrəvan”ı, İCBFA isə “Lokomotiv”i məyus edib.
İCBFA – Lokomotiv 2:1
Çinar-Zəngilan – Difai 1:2
Cəbrayıl – İrəvan 7:2
1. Difai 3 3 0 0 16-5 9
2. Çinar-Zəngilan 3 2 0 1 17-2 6
3. Cəbrayıl 3 1 1 1 9-8 4
4. İCBFA 3 1 1 1 6-7 4
5. Lokomotiv 2 1 0 1 6-6 3
6. Cürət 2 0 0 2 6-15 0
7. İrəvan 2 0 0 2 2-19 0
Bombardirlər: Eşqin Tağıyev (Difai) – 8, Sergey Markelov (Çinar-Zəngilan) - 6.

Şimal-Qərb regionu
Bu regionda keçirilən 4 qarşılaşmadan üçü heç-heçə bitib. Yalnız bir matçda qalibi müəyyənləşdirmək mümkün olub. Şəki derbisində “Marxal” rayonun eyniadlı təmsilçisinə rəhm etməyib və nominal meydan sahiblərini 13 dəfə meydanın mərkəzinə dəvət edib. 3 oyundan sonra yüzfaizlik nəticə göstərən “Marxal” zirvədə qərarlaşıb. Şəmkirdə “Qala”nın qonağı olan “Karvan” heç-heçə etməsinə baxmayaraq, 2-ci pillədə qərarlaşıb. Yeri gəlmişkən, debütant “Qala” Yevlax komandası ilə bərabərə qalmaqla mövsümdə ilk xalını qazanıb. “Göyəzən”lə “Ağstafa”, “VT Gəncə” ilə “Göygöl” də “sülh”ə razılaşıb.

VT Gəncə - Göygöl 2:2
Qala (Şəmkir) – Karvan (Yevlax) 0:0
Göyəzən (Qazax) – Ağstafa 4:4
Şəki – Marxal (Şəki) 0:13
1. Marxal 3 3 0 0 18-1 9
2. Karvan 3 2 1 0 6-0 7
3. Ağstafa 3 2 1 0 11-6 7
4. Göygöl 3 1 1 1 10-5 4
5. Göyəzən 3 1 1 1 10-10 4
6. VT Gəncə 3 0 1 2 4-9 1
7. Qala-Şəmkir 3 0 1 2 0-5 1
8. Şəki 3 0 0 3 3-26 0
Bombardirlər: Ceyhun Rəcəbli (Marxal) – 8, Elgün Namazov (Ağstafa) – 6.

RƏŞAD