Rassel və Hemilton arasında problem yoxdu
“Mersedes”in pilotu Corc Rassel maraqlı açıqlama ilə diqqət çəkib.
Football-plus.az xəbər verir ki, ingiltərəli idmançı Lüis Hemiltonla münasibətlərinin yaxşı olduğuna əmindi:
“Qalibiyyət uğrunda mübarizə aparanda təbii ki, dinamika fərqli olur. Ancaq biz karyeramızın çox fərqli mərhələlərindəyik və həqiqətən birlikdə işləyirik kimi hiss olunur. Gələn il bolid dubl etməyə icazə versə, biz çox fəxr edəcəyik. Hər kəs öz işi ilə məşğul olacaq. Ancaq döyüşmək üçün heç bir səbəb yoxdu. Aramızda yaxşı münasibətlər var. Bir-birimizə hörmət edirik və düşünürəm ki, Meksikadakı yarış buna yaxşı nümunə idi. Bunun bütün komanda üçün nə qədər vacib olduğunu başa düşürük. Aramızdakı münasibət pisləşməyə başlasa, bu, komandaya, sonda isə özümüzə təsir edəcək”.
Qeyd edək ki, Rassel 2022-ci il mövsümünün sonunda Hemiltonu qabaqlayaraq fərdi sıralamada dördüncü oldu.
Digər xəbərlər
