“Bildiyiniz kimi, VAR sistemi bu ildən Misli premyer-liqasında tətbiq olunur və turun bütün oyunlarını əhatə edir. Dünya prakstikasına baxsaq, VAR əsasən çempionat oyunları üçündü. Kubokda, adətən, 1/4 finaldan tətbiq olunur. Buna baxmayaraq, biz 1/8 finaldan, yəni başlanğıcdan istifadə etdik və qərara gəlindi ki, premyer-liqa klublarının iştirakı ilə keçirilən iki oyunda tətbiq edək. Bu, infrastruktur baxımından da əlverişli idi və çempionat oyunlarında da bu stadionlarda VAR-dan istifadə olunur. Yaşar Məmmədzadə adına Mingəçevir şəhər stadionunda, Binə qəsəbə stadionunda isə VAR sınaqdan keçirilməyib və bunun üçün lazımi infrastruktur hazır deyil ki, bu da normaldı. Çünki adı çəkilən stadionlarda premyer-liqa oyunları keçirilmir. O ki qaldı oyun vaxtı hansısa problemin yaşanmasına, onsuz da VAR olan qarşılaşmalarda belə son qərar baş hakimə məxsusdu. Digər tərəfdən, matçlarda hansısa ciddi problem yaranmadı. Məlumat üçün bildirim ki, ölkə kubokunun 1/4 final mərhələsindən başlayaraq bütün oyunlarında VAR sistemi tətbiq olunacaq”.

"Azərbaycan kubokunda yalnız premyer-liqa komandalarının üz-üzə gəldiyi oyunlar üçün VAR nəzərdə tutulmuşdu. Amma bundan sonra kubokun butun görüşlərində bu sistem olacaq. Ümumiyyətlə, premyer-liqa komandalarının ev oyunlarını keçirdiyi stadionlar FİFA tərəfindən test olunaraq təsdiqlənib".