Ronaldodan Ten Haqa - "Ona hörmət etmirəm"
"Mançester Yunayted"in futbolçusu Kriştiano Ronaldo komandanın baş məşqçisi Erik ten Haq haqqında danışıb.
"Football-plus.az" xəbər verir ki, "The Sun" qəzetinə danışan əfsanəvi hücumçu ona hörmət etmədiyini deyib:“Ten Haqa hörmət etmirəm. Çünki o da mənə hörmət etmir. Əgər sən mənə hörmət etməsən, mən də sənə heç vaxt hörmət etməyəcəyəm. Klub tərəfindən mənə xəyanət edildi. "Mançester Yunayted” məni klubdan qovmağa çalışırdı. Sadəcə baş məşqçi yox, klubda olan digərləri də. Hər şeyin günahkarı məni görürlər. Məni "qara qoyun"a çeviriblər və indi qovmağa çalışırlar".
Ronaldo "Mançester Yunayted"in keçmiş futbolçusu Ueyn Runinin onu tez-tez tənqid etməsi barədə isə bunları deyib: "Məni niyə tez-tez tənqid etdiyini bilmirəm. Güman edirəm ki, bu, mən hələ də ən yüksək səviyyədə futbol oynadığım halda sənin futboldan təqaüdə çıxmağına görədi”.
Digər xəbərlər
