Portuqaliyalı futbolçu Kriştiano Ronaldo “Mançester Yunayted”dən ayrılmaq istəyir.

"Football-plus.az" xəbər verir ki, 37 yaşlı hücumçu qərarını verib və bu barədə klub rəhbərliyini və baş məşqçi Erik ten Haqı məlumatlandırıb.

“Qırmızı şeytanlar” Ronaldonun klubu tərk etməsini istəmir. Onlar hücumçunu razı salmaq üçün klubun keçmiş çalışdırıcısı Aleks Ferqyusondan kömək istəyəcək.

Ronaldo “Mançester Yunayted”in yeni mövsümdə Çempionlar Liqasında olmayacağı üçün klubdan ayrılmaq istəyir.