“Demokratik olmayan bir ölkədə belə qərarın verilməsi həm gülməlidi, həm də ağlamalı. Heç cür ağla sığmayan bir qərardı. Mən bunu, bu rejimi qətiyyətlə pisləyirəm. Öz istəyini heç kimə ziyan vurmadan, cinayət törətmədən azad şəkildə ifadə edən bir adama buna görə ölüm hökmü verilirsə, bu absurd bir haldı. Buna nəinki futbol ictimaiyyəti, bütün dünya susmamalıdı. Ümumiyyətlə, insanın şəxsi fikirlərinə görə onun barəsində ölüm hökmü oxunulması çox ağılsızlıq, cahillikdi. Mən söz tapa bilmirəm. Qərarı eşidəndə çox əsəbləşdim. Əli Daei İranın futbol tarixini yazan bir şəxsiyyətdi. Belə bir adam barədə bu cür qərar verilirsə, bu heç bir çərçivəyə sığmır. Bu hadisənin baş verəcəyinə inanmıram. Dünya dövlətləri də buna imkan verməməlidi. Bu gün azadlıq, azad mətbuat deyiriksə, Azərbaycan da, dünya da onun arxasında durmalı, mənəvi dəstək verməlidi. Allah böyükdü, inanıram ki, hər şey yaxşı olacaq. Mən buna çox pis baxıram. Burda insan həyatından söhbət gedir. İnsan həyatı olan yerdə bütün başqa məsələlər əhəmiyyətsizləşir. İlk növbədə həyatı xilas etmək lazımdı. İdman sahələrinə təsir edəcəyini deyə bilmərəm, amma İran rejimə qarşı insanların nifrətini artıracaq. Nəinki Azərbaycanda, hətta bütün dünyada. Buna da bir “dayan” deyən olacaq. Dünyanı idarə edən böyük ölkələr var, buna imkan vermək olmaz. Ümid edirəm ki, həmin ölkələrin liderləri, onlardan sonra isə bütün dünya ayağa qalxacaq”.