Noyabrın 6-da evdə “Oklahoma-Siti”ni məğlub edən “Miluoki” mövsümün startından bəri ardıcıl qələbələrinin sayını 9-a çatdırdı ki, bu da yeni klub rekordudu.

Ümumiyyətlə, “Miluoki” 2015-dən bəri MBA-da startdakı 9 oyunda qələbə qazanan ilk komandadı. Hazırda Şərq konfransında 1-ci pillədə qərarlaşan “Baks” noyabrın 8-də qələbə seriyasını 10-a çatdırmaq imkanını əldən verdi. “Atlanta” konfrans liderinin zəfər yürüşünü dayandırdı.

Bu arada MBA komissarının müavini Mark Teytum maraqlı açıqlama verib. Onun dediyinə görə, liqa genişləndiriləcəyi halda Mexiko komanda ilə iştirak etməyə əsas namizədlərdən biridi: “İndiki məqamda genişləndirmə planlaşdırılmır. Ancaq günlərin birində buna qərar verəriksə, şübhəsiz, Mexiko Şimali Amerikanın başqa böyük və önəmli şəhərləri ilə eyni sırada dayanmalıdı. Beynəlxalq ekspansiya yolunda ən böyük problemlər həmişə uzun-uzadı uçuşlar və münasib arenaların yoxluğudu. Ancaq Mexikoda artıq müəyyən oyunları keçirdiyimiz dünya səviyyəli CDMX arenası var. Uçuş baxımından da problem yoxdu. Bəzi komandalarımız, xüsusən Texas, Florida və Yeni Orlean təmsilçiləri üçün uçuş qısamüddətli olacaq”.