Bildiyiniz kimi, MBA-da yeni mövsüm oktyabrın 19-da keçirilən “Boston” – “Filadelfiya 76”, “Qolden Steyt” – “Leykers” oyunları ilə start götürüb.

Football-plus.az xəbər verir ki, ilk oyun günündə TNT telekanalı 3,3 milyon tamaşaçı toplayıb ki, bu da ötən illə müqayisədə 17 faiz artıqdı. Oyunların sosial şəbəkələrdə və MBA-nın mobil tətbiqlərində yer alan videoları isə 148 milyon baxış yığıb. 2021/22 mövsümü ilə müqayisədə bu göstəricidə qeydə alınan 200 faizlik artım MBA tarixinin yeni rekordudu.

Startla bağlı başqa maraqlı statistik məqamlar da var. “Orlando”nun yeni transferi Paolo Bankero son 30 ildə debüt oyununda ən azı 25 xal toplayan, 5 ribaund edən və 5 məhsuldar ötürmə verən 3-cü basketbolçudu. Ona qədər bunu Lebron Ceyms (2003) və Qrant Hill (1994) bacarıb. 19 yaşlı Bankero “Detroyt”a qarşı keçirdiyi debüt oyununda meydanda olduğu 35 dəqiqə ərzində 27 xal toplayıb, 9 ribaund və 5 ötürmə ilə yadda qalıb.

Daha bir maraqlı məqam odu ki, 28 komandadan 27-si mövsümün ilk oyununda ən azı 100 xal topladı. Bu statistikanı, belə demək mümkünsə, “Miluoki” korladı. Çünki “Baks” “Filadelfiya” ilə oyunda yalnız 90 xal toplaya bildi. “Miluoki” də 100-ə çatsaydı, 1965/66 mövsümündən bəri ilk dəfə bütün komandalar startda ən azı 100 xal toplayacaqdı. Düzdü, həmin mövsümdə MBA-da cəmi 9 komandanın yarışdığını da vurğulamaq lazımdı.