Sürpriz şəkildə karyerasını bitirmək qərarına gələn və bu gün baş tutacaq ''Almeriya''ya qarşı oyunun karyerasındakı son oyun olacağını bildirən ''Barselona''nın müdafiəçisi Jerar Pikeyə baş məşqçi Xavi Ernandesdən dəstək gəlib.

"Football-plus.az" xəbər verir ki, 42 yaşlı mütəxəssis Pikeni tarixin ən yaxşı müdafiəçilərindən biri olduğunu deyərək onu əfsanələrlə eyni sıraya qoyub:

Xatırladaq ki, bu mövsüm əsas heyətdəki yerini itirən və tez-tez öz fanatları tərəfindən fitə basılan Pike həm də ayrılması ilə birlikdə kluba böyük maddi fayda vermiş olacaq. ''Barsa''nın ona 30 milyon avroya yaxın borcu var idi. Pikenin klubla 2024-ə qədər müqaviləsinin olduğunu nəzərə alsaq, o, ümumilikdə qazana biləcəyi təxminən 50 milyon avroluq məbləğdən imtina etmiş oldu. Qeyd edək ki, daha öncə ''Mançester Yunayted'' və bir 1 il ''Saraqosa''da oynamış Pike 2008-dən bu yana fasiləsiz ''Barselona''da idi. Bu müddətdə 615 oyuna çıxaraq 52 qol vuran məhşur müdafiəçi klubda keçirdiyi 15 mövsüm ərzində 30 titul qazandı. 100-dən çox oyun keçirdiyi İspaniya yığmasının heyətində isə o, dünya və Avropa çempionu olub.