"Qarabağ" Avropa Liqasındakı rəqibləri "Frayburq" və "Nant" UEFA tərəfindən cərimələnib.

Football-plus.az xəbər verir ki, oktyabrın 13-də bu komandalar Fransada qarşılaşmışdılar. "Frayburq"un 4:0 hesabı ilə qalib gəldiyi matçda “Nant” azarkeşləri pirotexniki vasitələrdən istifadə etdiyi üçün 20 min avro məbləğində ziyana düşüb. Kluba iki il sınaq müddəti verilib. Bu hal təkrarlanacağı təqdirdə, Fransa təmsilçisi növbəti avrokubok matçında tribunaları qismən bağlamalı olacaq.

“Frayburq” isə fanatların təxribatçı və təhqir xarakterli çıxışları ucbatından 15 min avro, tərəfdarların atəşfəşanlığına görə isə 30 min avro ödəcəyək. UEFA Bundesliqa klubuna da iki il sınaq müddəti təyin edib.