"Nant"ın baş məşqçisinin "Qarabağ" arzusu - AÇIQLAMA
“Nant”ın baş məşqçisi Antuan Kombuare əsas məqsədlərini açıqlayıb.
Football-plus.az xəbər verir ki, Fransa klubunun çalışdırıcısı Liqa1-də qalmaq üçün mübarizə aparacaqlarını dilə gətirib. Çalışdırıcı Avropa Liqasının 5-ci turunda üz-üzə gələcəklər “Qarabağ”la oyunun da onlar üçün xüsusi önəm daşıdığını vurğulayıb:
“Uzun müddət idi futbolçulara belə istirahət verilməmişdi. Üç həftəyə altı oyunumuz olacaq. İndi bu görüşlərə köklənməliyik. İlk növbədə Liqa1-də qalmağı hədəfləyirik. Lakin təbii ki, avrokuboklarda da “Qarabağ”la matçda qalib gəlmək arzusu ilə oynayacağıq. Hər şeydən əvvəl məqsədimiz ölkə çempionatında mövsümü minimum 16-cı yerdə bitirməkdi. Bu, elitada qalmağımız üçün kifayət edəcək. Yenə də rəqibik, hər görüşdə qələbə qazanmaq istəyirik. Bundan sonrakı matç doğma arenada “Qarabağ”a qarşı olacaq. Qələbə üçün vacib olan hər şeyi edəcəyik”.
Digər xəbərlər
