MBA-da yeni mövsümün ilk məşqçi istefası reallaşıb.

Football-plus.az xəbər verir ki, Stiv Neş “Bruklin”dən ayrılıb. Klubun mətbuat xidmətinin yaydığı xəbərə görə, tərəflər qarşılıqlı razılıqla yolları ayırıb. Hazırda baş məşqçinin səlahiyyətlərini Neşin yardımçısı Jak Von yerinə yetirir. ESPN-in insayderi Edrian Voynarovski bildirir ki, “Nets” yaxın vaxtlarda İme Udoka, Kuin Snayder və ya başqa bir tanınmış mütəxəssis ilə anlaşmağa çalışacaq.

Xatırladaq ki, hələ yayda “Bruklin”in lideri Kevin Dürant klubun sahibi Cozef Saydan Neşi baş məşqçi postundan qovmağı tələb edirdi. Neş 2020-də “Bruklin”in “sükanı arxasına” keçmişdi. Komanda yeni mövsümün ilk 7 oyununun yalnız ikisində qələbə qazanıb. Yeri gəlmişkən, “Bruklin” dünən Neşsiz keçirdiyi ilk oyunda da uduzdu.