MBA-da son iki gündə keçirilən oyunlarla bağlı bəzi maraqlı məqamlar var.

Football-plus.az xəbər verir ki, mövsümə çox uğursuz başlayan “Bruklin”in ulduzları Kayri İrvinq və Kevin Dürant MBA antirekordunu təkrarlayıb. İş ondadı ki, İrvinq son üç oyunda 103, Dürant 107 xal toplayıb, ancaq bu da komandanı həmin oyunlarda ardıcıl üç məğlubiyyətdən xilas etməyib. İrvinqlə Dürant MBA tarixinə 100-dən artıq xal toplamalarına baxmayaraq, ardıcıl üç oyunda uduzan ikinci tandem kimi düşüb. 1983-cü ildə “Denver” Aleks İnqlişlə Kiki Vandeveyin belə yüksək məhsuldarlığı fonunda ardıcıl üç oyunda uduzmuşdu.

“Bruklin”in “Dallas”a uduzduğu dünənki oyunda maraqlı hadisə baş verdi. Overtaym zamanı qonaqların oyun qurucusu Luka Donçiçə tribunadan stəkan atıldı. Həmin vaxt “Bruklin”in oyunçusu Kevin Dürant cərimə zərbəsini yerinə yetirirdi, Donçiç isə meydanın kənarında dayanmışdı. Ancaq azarkeş hədəfdən yayındı, stəkan basketbolçuya dəymədi. Narazı azarkeş saxlanılıb, onu cərimə və stadiona giriş qadağası gözləyir. Bu, “Bruklin”in mövsümün startındakı 5-ci oyunda 4-cü məğlubiyyəti idi. “Nets” Şərq konfransında 13-cü pillədə qərarlaşıb.

“Orlando”nun forvardı Paolo Bankero MBA karyerasında keçirdiyi ilk 5 oyunun hər birində orta hesabla 24 xal toplayıb. 19 yaşlı italiyalı MBA tarixinə ilk 5 oyunda ən azı 20 xal toplamağı bacaran 7-ci oyunçu kimi düşdü. Bankero 2022 draftında 1 nömrə altında seçilib. Əvvəllər karyerasının startında belə məhsuldarlıqla Uilt Çemberlen, Elvin Heys, Qrant Hill, Oskar Robertson, Dominik Uilkins və Con Uilyamson yadda qalıb.