"Oyuna çox yaxşı başladıq. Nə istədiyimizi ilk dəqiqələrdən göstərdik. Rəqibi təzyiq altında saxladıq, diqtə edən tərəf özümüz idik. Topu itirdikdən sonra onu geri qazanmağa çalışırdıq. Son iki oyunumuza baxsaq, çatışmayan cəhətlər elə bu idi. Futbolçulara dedim ki, qaçın, döyüşün, mübarizə aparın. Bilirik ki, oyunçularım keyfiyyətlidi və hər oyunda bunu etmək mümkündü. Üç xala görə uşaqları təbrik edirəm. Qələbə çox yaxşı anda gəldi. Bu cür də, davam etməliyik. Yenidən Azər Əliyevi itirdik. Bu, bəxtsizlikdi. Ona görə üzülürəm. Digər tərəfdən, Azər Salahlının qayıdışına sevinirəm. Oyuna başlamamışdan əvvəl Salahlını 75 dəqiqə oynatmaq fikrimiz yox idi. Durum bizdən bunu bunu tələb etdi. Vato Arveladze də komanda ilə birlikdədi, zədəsini sağaldıb, yaxşı oynadı.Növbəti oyuna hazırlaşmalıyıq. Komandanı daha güclü və hazır etməliyik.

"Football-plus.az" xəbər verir ki, bu sözləri "Neftçi"nin baş məşqçisi Laurentsiu Regekampf premyer-liqanın 12-ci turunda "Zirə"yə 3:0 hesabı ilə qalib gəldikləri oyundan sonra keçirilən mətbuat konfransında deyib.

- Hər oyun qələbə qazana bilməməyinizin səbəbi nədi?

- İlk edəcəyimiz məsələ qaçmaq, mübarizə aparmaq, komanda olmaqdı. Ardınca isə üzərinə futbolçuların keyfiyyəti gəlir. Oyuna baxsaq, "Zirə"yə qapımıza yaxınlaşmasına imkan vermədik. Hücumda topu itirsək də,
müdafiəçilər dərhal lazımı yerdə idilər. Bundan qabaqkı oyunlarda həmin çatışmazlıqlar var idi.