"Neftçi"nin baş məşqçisi Laurentsiu Regekampf Misli premyer-liqasının 5-ci turunda "Sumqayıt"a qalib gəldikləri oyundan (3:0) sonra mətbuat konfransı keçirib.

"Football-plus.az" xəbər verir ki, o, əvvəlcə matç haqqında fikirlərini bölüşüb.

- Ağır oyun oldu. Təəssüf ki, matçdan öncə Kenni Sayef zədələndi. Ondan sonra oyunun gedişində Vatonu da itirdik. Ümid edirəm, ağır zədə olmayacaq. Yaxşı oynadıq. 3 qol vurduq və çoxlu şanslarımız oldu. Oyunumuz çox xoşuma gəldi, razı qaldım. Meydana sonradan çıxanlar da motivasiyalı idi və özlərini göstərə bildilər.

- Gilyerme Pato gəlişinizdən sonra çox oynamır. Ona şans verməməyiniz nə ilə bağlıdı?

- Bizim çox yaxşı heyətimiz var. Pato keyfiyyətli oyunçudu. Bu mövzu barədə danışmaq üçün 1 həftə lazımdı. Bu gün o, planlarıma daxil deyildi. Düşüncəm tamamilə başqa idi. Sayef zədələnməsəydi, daha fərqli oynaya bilərdik. Həftəboyu xüsusi hazırlaşmışdıq. Zədəyə görə bəzi şeyləri gerçəkləşdirə bilmədik. Həftəboyu oyunçunun özünü göstərmək üçün vaxtı var. Bu gün planlarımızda yox idi.

- Komandada zədələrin çoxluğu nə ilə bağlıdı: bəxtsizlik, yoxsa fiziki yüklənmələr?

- Biz əzmkarlıqla çalışırıq. Futbolçularımın yaxşı səviyyəyə qalxmasını istəyirəm. Kenni ilə bağlı baş verən hal bəxtsizlikdi. İsinmə hərəkətləri zamanı Eminlə toqquşdu. Vato barədə də bildirdim ki, ciddi zədə olmamasına ümid edirəm. Bu gün 35-40 dəqiqə oynamasını planlaşdırırdım. Hələ fiziki cəhətdən 100 faiz hazır deyil. Bir az vaxta ehtiyacı var. Ötən oyun Azər Əliyevin ayağında qıcolma olması normaldı. İki həftə zədədən sonra oynamışdı. Tam bərpa olunmaq üçün elə də vaxtı olmamışdı. Bu gün 90 dəqiqə oynadı və problemlə üzləşmədi. Amma doğrudu, biz çox ağır məşq edirik. Belə hallar olmalıdı.

- Ağır oyun olduğunu dediniz. Amma komandanız meydanda istədiyini edirdi. Bunu etika xətrinə söylədiniz?

- Ağır oldu, ona görə ki, rəqib çox aqressiv oynayırdı. Meydanda çoxlu mübarizə var idi. Bu gün oyun sistemini dəyişmişdilər və 5-li müdafiə ilə oynayırdılar. Bizi orta xətdə bağlamaq istəyirdilər. Amma cinahlarda boşluqları olurdu. Hər dəyişiklikdən sonra kifayət qədər zonalar tapırdıq ki, onlardan istifadə edək.

- Azər Əliyev siz gələnə qədər müxtəlif mövqelərdə oynayırdı, indi isə müdafiənin solunda çıxış edir. Sizcə, onun üçün ideal mövqe hansıdır?

- Səmimi desəm, Azər mənim üçün böyük sürprizdir. Mən onun məşqlərdə müdafiənin solunda belə güclü olacağını düşünmürdüm. Daha çox hücumameyilli oynamağı xoşlayır. Azər Salahlı ilə bağlı problemimiz oldu. Məcburən onu sol cinahda oynatmağa başladım. Ona görə də bu, mənim üçün yaxşı sürprizdir. Bu gün də çox yaxşı oynadı. Özünəinamı, təcrübəsi var, epizodları hiss etməyi bacarır. Azərin iki oyuna 1 qol, 1 assisti var. Bu, mənim üçün çox pozitivdir. Ümidvaram ki, tezliklə Azərbaycan passportunu alar və milli komanda üçün də faydalı olar. Onu sol cinahda görürəm. Rusiya Premyer Liqasında bu mövqedə çox oynayıb. Həmişə top onda olanda çox soyuqqanlıdır. Bizə lazım olan keyfiyyətlərə malikdir.


Son xəbərlər

Makqreqor xəstələnən Poryeyə söz atdı

“İmişli” Saatlını doğma stadiona dəyişir

DÇ-2022-də 1/4 final həyacanı - YENİLƏNİR

Fürinin xanımı də Usikin adını çəkdi - MÜSAHİBƏ

"Xarı Bülbül" Çağırış kubokunda iştirak edən rəqibini məğlub etdi

"Mingəçevir" - "Qaradağ Lökbatan" matçını bu hakim idarə edəcək

2 yığmanın seçmə mərhələdə oyunlarının vaxtları açıqlandı

Gəncədə qərb, Bakıda paytaxt derbisi - YENİLƏNİR

Azərbaycanlı məşqçilər Brondbüdə seminarda iştirak ediblər

2 idmaçımızdan qızıl medal

Liderdən növbəti qələbə

İspaniya nəhəngi Qarnaçonu istəyir

"Azersun Arena"da 4 qol - VİDEO

Qurban Qurbanov: "Cavab qarşılaşması daha maraqlı olacaq"

Elmar Baxşıyev: "İstədiyimi komandamdan görürdüm"

Kamal Bayramov: "Qərb derbisi azarkeşlər üçün xüsusi maraq kəsb edir"

Yüksək Liqada ilə yekun vuruldu

Braziliya millisi üçün xoş xəbər

Raysın durumuna aydınlıq gəldi

“Zirə”dən minimal hesablı qələbə - VİDEO

Laurentsiu Regekampf: “Komandamı dəyişməyi düşünmürəm”

Rəşad Sadıqov: “Meydanda amansız mübarizə gedirdi”

Endrikin yeni klubu bəlli oldu

“Zirə”nin hücumçusu zədələndi

“Neftçi”də ciddi itki

“Türkiyə futbolu Avropa səviyyəsindədi”

Azərbaycanlı şahmatçı İspaniyada çempion oldu

Lənkəran təmsilçisi matça gəlmədi

“Türkiyədə açıqlamaq istəmədiyim səbəblərə görə şans qazanmadım”

Messi – Ronaldo rəqabəti DÇ-də də davam edir

"Emin Mahmudov tək "Neftçi"nin yox, Azərbaycanın aparıcı futbolçularından biridi" - "Neftçi" azarkeşi

“Qətərdə hələ ki, heç bir neqativ durum yaşanmayıb”

Hörmət, yoxsa sərvət? - TƏHLİL

Azərbaycan şahmatçıları üçün Mahaçqala sınağı

“Zirə” ilə oyundan əvvəl "Neftçi"də “Sağlamlıq durumu” - VİDEO

FFF-nin şikayəti əsassız sayıldı

DİN azarkeşlərin saxlanılmasına reaksiya verdi: “Onlar ictimai qaydaları pozub”

Mbappe İngiltərə ilə oyunu buraxa bilər

Nazir Sumqayıtda idmançılarla görüşdü

Uğursuzlar üçün ikinci şans - KÖŞƏ

Türkiyə yığması növbəti iki oyunu harda keçirəcək?

Milli komandaya qayıtdı

Bütün xəbərlər